Bi desan bajaranê Ewropa de bi hezaran Kurdistanijî û dostê înan vizêr reyna vejîyayî meydanan û bi çalakîyan waşt ke waştişê çalakwananê grevê vêşanîye bêro bicaardene.

CARDIFF

Paytexta Gallerî Cardiff de Kurdistanijan û dostanê înan vernîya banê BBCyî de çalakîyêk viraşte. Çalakwanan BBCyo ke vera Ocalanî xebaran virazeno û propagandaya hêrişê dewlata Tirkî yê Efrînî keno, pretesto kerd.

BORDEAUX

Bajarê Bordeauxî yê Fransa de seba baleantişê serê grevê vêşanîye mîtîngêk ame viraştene.

RENNES

Bajarê Rannesî yê Fransa de zî hetê Meclîsê Cinîyan ra çalakîya bêîtaatî ya sivîlî ameye viraştene. 

PARİS

Paytextê Fransa Parîsî de zî vera tecrîdê Îmrali û paştîdayîşê Guvene û çalakwananê grevê vêşanîye Kurdistanijî kuçeyan de bî. Rayberîya TJK-Eyî de çalakîyê ameye viraştene û bêvêngîya Ewropa ameye şermezarkerdene.

MARSİLYA / MARIGNAN

Bajaranê Marsîlya û Marîgnane yê Fransa de zî bi heman waştişî çalakîyêk ameye viraştene. Aktîvîstanê Têgêrayîşê Ciwnan ê Şorişgêrî bi meşaleyan rayraşîyayîşêk viraşt.

MANNHEIM

Bajarê Mannheimî yê Almanya de zî  Kurdistanijan Televîzyonê RNFyî zîyaret kerd  û derheqê tecrîd û grevanê vêşanîye de dosyayêk daye ci.

GIESSEN

Bajarê Giessenî yê Almanya de zî Kurdistanijî û dostê înan çalakîye de bî. Çalakwan bi sloganan waştişê wedartişê tecrîdî ard ziwan û çalakwanê grevê vêşanîye silam kerdî.

HILDESHEIM

Bajarê Hildesheimî yê Almanya de zî Komunê Cinîyan ê Şehîd Meryemî dezgehê hetkarîye AWOyî zîyaret kerd derheqê Leyla Guvene de dosyayêk daye ci.

SAARBRUCKEN

Bajarê Saaburckenî yê Almanya de zî Kurdistanijî vernîya Ewropagalerîe de çalakîye de bî. Çalakwan sere de Almanya dezgehanê Ewropa ra waşt ke wezîfeyê xo bica bîyarî.

BREMEN

Bajarê Bremenî yê Almanya de zî hete Meclîsê Cinîyan ê Sêvê ra çalakîyê ameye organîzekerdene.

MONCHENGLADBACH

Bajarê Monchengladbachî yê Almanya de zî rayberîya Têgêrayîşê Ciwanan ê Şorişgêrî de bi çalakîyêk tecrîd ame şermezarkerdene.

WUPPERTAL

Bajarê Wuppertalî yê Almanya de zî bi mîtîngêk tecrîd ame protestokerdene û çalakîyê grevê vêşanîye ameyî silamkerdene.

MUNİH

Bajarê Munîhî yê Almanya de Meclîsê Cinîyan ê Sara çalakîyêk organîze kerde.

HAMBURG

Bajarê Hamburgî yê Almanya de zî çalakîya protestokerdişê tecrîdê Îmraliyî ameye viraştene.

HANNOVER

Bajarê Hannoverî de zî Kurdistanijî vejîyayî meydanan tecrîdê serê Ocalanî û bevêgîya Ewropa şermezar kerde.

STOCKHOLM

Paytexta Swêdî Stockholm de zî bi çalakîyê bale ancîya tecrîdê Îmraliyî ser û azadîya Ocalanî ameye waştene. Çalakwanan grevê vêşanîye silam kerdî û mesajê paştîdayîşî dayê.

LUZERN

Luzern de zî bi heman waştişî çalakîyêk ameye viraştene. Çalakwananê grevê vêşanîye yê Strasborgî ra Ayvaz Ece zî bi telefonî tewrê çalakîye bi û vat ke ‘Roje na roja, roja Rayberîya ma rê wayîr vejîyayîşî ya.‘

ZURİH

Bajarê Zurîhî yê Swîsre de zî bi tewrbîyayîşê seyan kesan çalakîyêk ameye viraştene. Çalakwanan vat ke waştişê grevê vêşanîye waştişê înan o û ê do heta peynî wayîrê xoverdayoxan bivejî.

SOLOTHURN

Bajarê Solothurnî yê Swîsre de  zî Têgêrayîşê Ciwanan ê Şorişgêrî çalakîyê organîze kerde. Xoverdayoxanê Strasbourgî ra Ekrem Yilmaz bi telefonî tewrê çalakîye bi û vat ke heta wedartişê tecrîdî do çalakîya înan dewam bikero.

LOZAN

Bajarê Lozanî yê Swîsre zî rayberîya Meclîsê Cinîyan ê Lajînî de çalakîyek ameye viraştene.  Çalakwanan tecrîdê serê Ocalanî rê hêrsê xo ard ziwan û azadîya ey waşte.

BASEL

Bajarê Swîsre Basel de zî Kurdistanijan û dostan înan bi çalakîyê azadîya Ocalanî waşte.

RAPPERSWIL

Raypperswil de zî bi heman waştişî çalakîyêk ameye viraştene.