Paris, Marsilya û Hamburg de kurdîstanijan bi şayîyanê cîya-cîyayan serra 12ine ya Şorişê Rojawanî fîraz kerde.

Paytextê Fransa Paris de warê şayîye bi alanê YPG-YPJyî û posteranê Rayberê Şarê Kurdî Abdullah Ocalanî ame xemilnayene. Girseyî bi deyîranê hunermendan govende girewte û sloganê sey Bîjî Şoreşa Rojava”, “Bijî YPG”, “Bijî YPJ” û “Bijî Serok Apo” vatî.

Şaristanê Marsilya yê Fransa de serkêşîya TCŞ û TÊKO-JIN de parka Bel de Moi de Şorişê 19ê Temmuze bi govendan ame fîrazkerdene. Şayîye de komêka enternasyonele zî broşur û kitabê Rayberê Şarê Kurdî vila kerdî. Hunermenda TEV-ÇANDî Dîlbere Kobanê şayîye de vejîyaye sehne ser.

Şaristanê Hamburgî yê Almanya de de serkêşîya TCŞ û TÊKO-JIN de hêverî rayraşîyayîşêk ame kerdene. Dima ciwanan şayîyêke viraşte.