Almanya, Hollanda, Awusturya û xeylî welatanê bînan ê Ewropa de bi aktîvîteyan  xoverdayoxê  Rojeyê Mergî yê Pîlî yê 14’ê Temmuze Kemal Pîr, Mehmet Hayrî Dûrmûş, Alî Çîçek û Akîf Yilmaz ameyî vîrardene.

Koln

Bajarê Kolnî yê Almanya de aktîvîteya ke Merkezê Cimatê Demokratîkî yê Kurdan de ameye viraştene temslîkaranê Tevgera Azad, Têgêrayîşê Cinîyan ê Kurdan, CDK, Têgêrayîşê Ciwanîye ya Almanya û PJAK’î muhîma xoverdayîşê 14’ê Temuze ser  qisey kerd.  Aktîvîte de derheqê Dîyar Xerîbî de sînevîzyonêk ame ramotene.

Berlîn

Paytextê Almanya Berlîn de zî heman waştişî aktîvîteyêk ameye organîzekerdene. Qiseykerdişan de bale ameye antene muhîmîya ruhê xoverdayîşî yê 14’ê Temmuze ser ame vatene ke ganî Kurdî bi nê ruhî xoverdayîş gird bikerê û waştişê şehîdan biresnê serfirazîye. Temslîkarê PYD’yî yê Berlînî Bavê Kawa vat xeyrê xoverdayîşê 14’ê Temmuze ma ewro Rojawan de bene bihêz.

Frankfurt

Bajarê Frankfurtî yê Almanya de zî  semedê vîrardişê xoverdayoxanê  Rojeyê Mergî yê Pîlî û endamê Konseya Serekîya Pêroyîye ya KCK’yî Dîyar Xerîbo ke 5’ê Temmuze de, hêrişê hewayîyî yê dewleta Tirkî de cuya xo vînî kerde aktîvîteyek ameye viraştene. aktîvîteya ke  rayberîya Komîteya Keyeyanê Şehîdan û meclîsanê cinîyan de ameye viraştene Offenbach û Hanau ra zî xeylî kesî tewrê ci bîyî. Aktîvîte de şehîdê azadîye ameyî vîradene û sozê rêçê înan de şîyayîşî ame dayene.

Mannheîm

Bajarê Mannheîmî yê Amanya de zî Merkezê Cimatê Kurdan, Meclîsê Cinîyan ê Ronahî Berîvane  û Komîteya Şehîdan aktîvîtêyêk organîze kerde. Qiseykerdişo ke bi nameyê Komîteya Şehîdan ame kerdene de ame vatene ke ruhê 14’ê Temmuze  7 ta heta 70 tesîrê  pêroyê Kurdan kerd.

Kassel

Bajarê Kasselî yê Almanya de hetê Komîsyonê Keyeyanê Şehîdan ra aktîvîteyêk ameye organîzekerdene.  Aktîvîteya ke şehîdê 14’ê Temmuze ameyî vîrardene de derheqê Dîyar Xerîbî de sînevîyonêk ame ramotene û qiseykerdişan de sozê girdkerdişê mucedaleyî ame dayene.

Den Haag

Bajarê Hollanda Den Haag de zî bi heman waştişî aktîvîteyêk ameye organîzekerdene.  Aktîvîteya ke bi rêzgirewtişî destpêkerd bi sînevîzyon dewam kerd. Qiseykerdişan de  xoverdayoxê Rojeyê Mergî yê Pîlî ame vîrardene û ame vatene ke mudaceleyo ke înan ra mîras mendo do bireso serfirazîye.

Lîmasol

Bajarê Lîmasolî yê Kibrisî de zî xoverdayoxê 14’ê Temmuze û Dîyar Xerîb ameyî vîrardene.  Aktîvîte de şehîdî ameyî vîrardene û derheqê  muhîmîya roje de ame qiseykerdene.

Lînz

Bajarê Lînzî yê Awusturya de Merkezê Cimatê Demokratîkî de vîrardişê 14’ê Temmuze ame viraştene. Vîrardiş de derheqê xoverdayoşê girdî de sînevîzyonêk ame ramotene û derheqê xoverdayoxan de ame qiseykerdene. Bado zî hêrişê dewleta Tirkî yê vera Başûrê Kurdistanî ame rexnekerdene.

Vîyana

Paytextê Awusturya Vîyana de  zî bi aktîvîteyêk xoverdayoxê Rojeyê Mergî yê Pîlî yê 14’ê Temmuze ameyî vîrardene.  Temsîlkarê Yewbîyayîya Hêzê Demokratîke, PYD û Têgêrayîşê Goranî yê Awusturya, birayê Dîyar Xerîbî yo ke gazî yo û merdimê ci tewrê aktîvîteye bîyî.

Graz

Bajarê Grazî yê Awusturya de zî Merkezê Cimatê Demokratîkî de bi kombîyayîşêk xoverdayoxê 14’ê Temmuze ameyî vîrardene.