Fransa û Almanya de qirkerdişî ameyî protestokerdene
Parîs, Toulouse, Stuttgart û Freiburg de qirkerdişê Mereşî, Roboskî û 19ê Kanûne ameyî protestokerdene.
Parîs, Toulouse, Stuttgart û Freiburg de qirkerdişê Mereşî, Roboskî û 19ê Kanûne ameyî protestokerdene.
Paytextê Fransa Paris û şaristanê Toulouse û şaristanê Freiburgî û Stuttgartî yê Almanya de Qirkerdişê Mereşî, Roboskî û 19ê Kanûne ameyî protestokerdene.
Paris: Paytextê Fransa Paris de Qirkerdişê Mereşî, Roboskî û 19ê Kanûne yê Zîndanan ameyî protestokerdene. Temsîlkarê zaf dezgehanê çepgiran, sosyalîstan û şorişgêran tewrê yadkerdişî bîyî. Qiseykerdişan de ame vatene ke qirkerdişê dewleta tirke yê vera kurdan û elewîyan ewro Rojawan de dewam kenê la têkoşîno şorişgêr do vera faşîzmî ser bikewo.
Toulouse: Şaristanê Toulouse de zî bi heman waştişî aktîvtîyêk ameye organîzekerdene. Qiseykerdişan de bale ameye ante polîtîkaya hêrişkare ya dewlete ya vera elewîyan ser û ame vatene ke elewîyî do çirey verê zulmî de milê xo çewt nêkerê.
Stuttgart: Şaristanê Stuttgart de zî bi wesîleya Qirkerdişê Mereşî aktîvîteyêk ame organîzekerdene û êyê ke qirkerdiş de ameyî qetilkerdene ameyî vîrardene.
Freiburg: Şaristanê Freiburgî dezî seba yadkerdişê qurbananê Qirkerdişê Mereşî û protestokerdişê qirkerdişî çalakîyêke ameye kerdene.Çalakîye Dergehê Kulturê Elewîyan ê Freiburgî de ameye kerdene. Çalakîye de şahîdanê qirkerdişî ra Alî Arîf Engîzekî qala qirkerdişî û prosesê ê wextî kerde.Engîzekî ard ziwan ke Mereş ra verî zî vera kurdan zaf qirkerdişî ameyî kerdene û dima bi Mereşî nê qirkerdişan dewam kerd.