Bajarê Hamburgî yê Almanya de Fuarê Turizmî yê Mîyanneteweyî yena viraştene. Hetê Defend Rojawa ra verê fuarî de çalakîyêke ameye viraştene ke Tirkîya bêro boykotkerdene.

Aktîvîstan derheqê hêrişê îşxalî yê Tirkîya yê vera Rojawanî de bi seyan vilavokî vila kerdî. Çalakîye de bi pankart û fotografan qirkerdişê dewleta tirke yê vera Rojawanî ameyî ramojnayene û ame waştene ke wa turîzmê Tirkaya bêro bokotkerdene û çew nê sûcê ci rê hetê maddî ra hempar mebo.

Aktîvîstan ra Anja Flach vat pere ke şima danê şinê Tirkîya de tatîl kenê her quruşê ci sey guleyêk, dej û hesir keweno bedenê kurdan. Şima wazenê seba ke şima tatîl bikerê kesê bînî bimerê?‘‘

Rayberdoxanê çalakîye ra Julius Luxembourgî zî bale ante rewşa Heskîfî ser û vat no mîrasê kulturî yê  heme dinya yo, ganî her kes wayîrê ci bivejîyo.