Partîyanê muxalefetî yê Almanya ra Partîya Demokaratan a Azade (FDP) vernîyazêk da Meclîsê Federalî û waşt ke ganî kurdkî zî tede îmtîhanê destûrnameyê ramitişî  bi xeylêk ziwananê sey darkî û farskî bêro kerdene.

Goreyê doneyan serranê 2016î ra nata 102.040 kesanê ke bi kurmancî qisey kenê, muracatê multecîtîye kerd. Hukmatê Federalî yê Almanya verî destûr dabi ke multecîyê erebî bi erebkî tewrê îmtîhanê destûrnameyî bibê.

FDPyî ra Pascal Koberî îfade kerd ke ganî heman xîret sena kurd, afgan û farsan zî bêro kerdene.