Çalakîya roniştişî ya verê bînaya Neteweyanê Yewbîyayeyan şaristanê Cenevre yê Swîsre de dewam kena ke seba azadkerdişê Rayberê Şarê Kurdî Abdullah Ocalanî yena kerdene.

Çalakîye de Hemserekê NCKDyî yê Cenevre Mehmet Çelebî pare kerd ke pê tecrîdê Îmraliyî yeno waştene ke îradeyê kurdan bêro teslîmgirewtene.

Dima nameyê cinîyanê Swîsre yê ke grev kenê ser o Valentina Valmacco qisey kerd û tecrîd şermezar kerd. Valentina vat: ''Ma sey çalakîkeranê Grevê Cinîyan ê Femînîstan rewşa Abdullah Ocalanî ra qerqilîuyenê û azadîya ey wazenê.''

Çalakîye de Yewîya Cinîyan ê Kurdan a Swîsre derheqê Grevê Cinîyan ê 14ê Hezîrane de eşkerayîya xo wende.