Gerîlayê HPGyî Alî Derîn (Şervan Qerejdax) o ke 20ê teşrîna verêne de şaristanê Wêranşerî ya Riha de pêkewtişê vera hêzanê artêşa TCyî ya îşxalkere de şehîd kewtbi. Alî Derîn paytextê Almanya Berlin de bi merasîmêk ame yadkerdene.

Merasîm Camîyê Mezopotamya yê Neukollnî de ame kerdene û îmamê camîyî Dawud Ovseme serweşîyî qebul kerdî. Temsîlkarê dezgehanê kurdîstanijan ê Almanya û welatperwerî tewrê merasîmî bîyî.

Deqayêkê rêzgirewtişî ra dima îmam Mala Dawud Ovseme yo ke şehîd Alî Derîn nas kerdêne qisey kerd û vat: ''Alî ciwanêk bi la vera zulmê dewleta tirke bêveng nêmend. Serra 2014î de tewrê gerîlayan bi û bi şehîd. Alî wayîrê wijdanêkê pîlî bi. Embaz Alî tewrê kerwanê bêmergan bi. Ma do tim dewaya ci teqîb bikerê û alaya na dewa berz bikerê. Ma do heta awankerdişê Kurdîstanê azadî wezîfeyê xo bîyarê ca.''

Merasîm de serweşîye ra dima werd ame vilakerdene.