Kurdîstanijan û dostanê înan verê Parlamentoya Hamburgî yê Almanya de semedê şermezarkerdişê Komployê 15ê Sibate  û tecrîdê vera Rayberê Şarê Kurdî Abdullah Ocalanî mîtîngêk viraşte.

Mîtîng de posterêko gird ê Ocalanî ame akerdene û bi sloganan azadîya Ocalanî ameye waştene. Wekîlê Partîya Çepe yê Hambugî Martîn Dolzero ke çalakîye de qisey kerd vat: ''Hêzê kapîtalîstî seba ke fikranê Ocalanî ra tersenê o esîr girewt la o binê esartî de bi zî şarê kurdî ey hema sey yew rayberî vîneno. Rixmê şertanê tecrîdê giranî fikrê Ocalanî sere de Rojawan de çar leteyanê Kurdîstan yenê caardene.'' Dolzerî vera paştgêrîya Almanya ya Tirkîya zî nêrazîbîyayîş ramojna û vat: ''Ez şerm kena ke welatê mi çeke roşeno Tirkîya. Ewropa ya ke bi destê xo no dîktator aferna ganî cade na xeletîye ra agêro û qedexeyê serê PKKyî wedaro.''

Çalakîya ke bi sloganan azadîya Ocalanî ameye waştene û Tirkîya ameye protestokerdene  de derheqê felsefeyê Ocalanî, komplo û tecîrdî de bi seyan vilawekî ameyî vilakerdene.