Hamburg: Kurdî raya xo danê Die Linke û Cansu Ozdemîr

KON-MEDî seba weçînayîşê eyaletê Hamburgî yê ke 23ê sibate de do bêro kerdene vengdayîşê weçînitoxan kerd ke wa reyê xo bidê namzetane Partîya Çepe  Cansu Ozdemîr û  Martîn Dolzerî û înan rê serekwtiş waşt.

Eyaletê Hamburgî yê Almanya venga 1.3 mîlyon weçînitoxan da ke 23ê sibate de raya xo bidê. 

Konfederasyonê Komelanê Kurdîstanijan ê Almanya (KON-MED) seba weçînayîşê eyaletê Hamburgî ke 23ê sibate de do bêro kerdene vengdayîşê weçînitoxan kerd ke wa reyê xo bidê namzetane Partîya Çepe  (Die Linke)  Cansu Ozdemîr û  Martîn Dolzerî.

KON-MEDî bale ante girîngîya rayanê kurdîstanijan û tirkan ser û vat: ''Seke weçînayîşê peynî yê eyaletê Hamburgî de ame dîyene, weçînayîş de raya kurdîstanijan, tirkîyayîjan û dostanê ma eşkera ya. Na rewşe weçînayîş de zî seba partîyanê sîyasîyan ê ke waştişê rayan kenê girîng o.''

KON-MEDî Partîya Çepe  û nazmetan rê waştişê serkewtişî kerd ke paştdayîşê şarê kurdî kenê û bitaybetî zî weçînatoxan ra waşt ke raya xo bidê Cansu Ozdemîr û Martîn Dolzerî.

Eşkerayîya KON-MEDî de ame vîrvistene ke Ozdemîre serra 2011î ra heta nika karanê xo de tim ser kewte. Seba karê ci yê serkewteyî Partîya Çepe rêza verêne de ca da Cansu Ozdemîr.''

Eşkerayîya KON-MEDî de ame vatene: ''Komelnas Martîn Dolzerî tim paştî da Têkoşînê Azadîye yê Kurdîstanî û dostêkê kurdan o naskerde yo.''