Bajarê Hannoverî yê Almanya de verê Meclîsê Eyaletî yê Saksonyaya Cêrine de vera tehdîtê tebersînorkerdişê Mehmet Çakasî  çalakîya protestoyî ameye kerdene.

Çalakîye de bi nameyê Merkerzê Komelê Kurdan ê Demokratîkan, Demokratîk Gençlîk, (YUNA), MLPD û KON-MEDî qiseykerdişî ameyî kerdene. Derheqê dewaya Mehmet Çakasî de zanayîş ame dayene û ame vengdayene ke wa hinî têkoşînê kurdan nêro krîmînalîzekerdene.

Çalakwanan waşt wa qerarê tebersînorkerdişî bêro vindarneyene û proseso edîl ê îltîca bêro rayraberdene.

Planê çalakîyan ê semedê Çakasî

Qiseykerdişan de derheqê çalakîyanê bînan zî zanayîş ame dayene. Goreyê nê programê çalakîyan wina yo:

Siba roja sêşemeyî Celle de saete 12:00 verê bînaya mehkeme de mîtîngo spotan do bêro kerdene.

Roja çarşemeyî saete 12:00 de verê Zîndanê Uelzenî de aktîvîstî do bêrê têhet û mesajê Mehmet Çakas têna nîyo û do destur nêdîyo tebersînorkerdişê ci.

Reyna 12ê temmuze roja şemeyî de do Hannover de çalakîya bîne bêro kerdene. Çalakîye do saete 14:00 de îstasyonê trenan ê merkezî bêro destpêkerdene û bajar de rayraşîyayîşêk bêro kerdene.

Şertê pawitişî yê mîyanneteweyîyî yenê binpaykerdene

Rêxistina paşdayîşî Rote Hilfe eşkerayîya xo ya roja dişemeyî de   waşt wa cade qerarê tebersînorkerdişî bêro wedaritene.

Komeleya Avukatanê Komarperweran (RAV) zî vera planê tebersînorkerdişî hîşyar kerd û vat no têna binpaykerdişê qedexeyê îşkenceyî nê, eynî wextî de standartanê pawitişî yê mîyanneteweyîyî zî binpay keno.”