Sîyasetmedar, nuştox û aktîvîsto elewî Haydar Îrfan Dayioglu 16ê nîsane de herêma Bretagne ya Fransa de şi heqîya xo.

Kênaya ey medyaya dîjîtale ser o no mesak pare kerd: ‘’Babîyê mi û embazê mi ver bi edebîyatî şi. Nasnameyê xo yê xoverdayîşî zî ma rê mîras verda û şi cayê heskerdoxanê xo.’’

Dayiogluyî Darbeya Leşkerî ya 12ê Êlule ra dima koç kerdibi. Ey emrê xo na bi têkoşînê şorişgêrî, têkoşînê elewîyan û rêxistina elewîyan ser. Dayiogluyî Cephe, Toplumsal Kurtuluş, Berxwedan, Ozgur Gundem û Ozgur Polîtîka de nuşt û rojnamegerîye kerde.

Ey mabênê serranê 1996 û 2003yî de Federasyonê Elewîyan ê Kurdîstanî de îdarekarîye kerde, sey temîlkarî Yewîya Elewîyan û KNK de zî xebitîya. Ey Medya TV de serrêke dîrektorîya bernameyê ‘alevî Erkani’ kerde.

Dayiogluyî kitabê 'Rêxistinek - Jiyanek / Mehmet Koç' û kna Serbilind' zî nuştî.