Hêrişê vera Şengalî Almanya de ame şermezarkerdene

Şaristananê Saarbruckenî û Frankfurtî yê Almanya de hêrişê dewleta tirke yê vera Şengalî ame şermezarkerdene.

Saarbrucken

Şaristanê Saarbruckenî yê Almanya de hêrişê dewleta tirke yê Şengalî ame şermezarkerdene.

Kurdistanijî verê Europagalerie de kom bîyî û seba yadkerdişê şehîdan deqayêk rêz ame girewtene.

Çalakîye de alayê YBŞ, YJŞ, YPG-YPJyî ameyî berzkerdene û hêrişê dewleta tirke ame şermezarkerdene.

Çalakîye de vilawekî ameyî vilakerdene. Çalakîkeran venga dezgehanê kurdan kerd ke seba yewîya neteweyîye gamêke bierzê.

Çalakîye bi sloganan qedîyaye.

Frankfurt

Çalakîye Frankfurt de Meydanê Hauptwach de ameye kerdene.

Çalakîye de pankarta ''Şengal de qirkerdiş esto, Rojawan xo ver dano'' ameye berzkerdene û hêrişê dewleta tirke yê vera Şengalî ame protestokerdene.

Çalakîye de sloganê ''Dewleta tirke Kurdîstan de qirkerdişan kena'', ''Koştox Tirkîya'' û '' Kiştoxê domanan Erdogan'' ameyî vatene.

Çalakîye de bi ziwanê Almankî zî qiseykerdiş ame kerdene û ame vatene ke çinkerdişê DAÎŞî ra dima dewleta tirke her roje hêrişê kurdan kena.

Bêvengîya raya umûmîye ya dinya ya vera Şengalî zî ameye protestokerdene.

Çalakîye bi sloganê ''Biciwîyo Xoverdayîşê YBŞyî'' qedîyaye.