Paytextê Swîsre Bern de kurdîstanijan vengdayîşê Meclîsê Cinîyan ê Berjîne Zenda û CDK-Be ser o hêrişê dewleta tirke yê vera rojnamegeran û kulturê kurdan şermezar kerdî.

Endamê CDK-Be Burhan Karakoçî çalakîye de ard ziwan ke ê do vera hêrişanê dewleta tirke tim kultur û ziwanê xo bipawê.

Çalakîye de endamê CDK-Syî Necdet Atalayî peymana Anqara-Bexdadî viste vîrî û vera PDKyî nêrazîbîyayîşê xo mojna. Atalayî vat: ''Ganî PDK nê rayîrê şaşî ra cade agêro û hemkarê qirkerdişanê Tirkîya nêbo.''

Çalakîya şermezarkerdişî qiseykerdişan ra dima bi sloganan qedîyaye.