Vera hêrişê nîjadperestî yê Hanau ke tede 9 kesî ameyî qetilkerdene û 5ê înan kurd ê paytext Berlin de antî-faşîstî vejîyayî meydanan.

Bi hezaran antî-faşîstî û atî-nîjadperestî yê almanî, kurdî û tirkî şan saete 18:00 de meydanê Hermanplatzî de kom bîyî û înan pare kerd ke ê do rayîr nêdê faşîzmî. Çalakîye de temsîlkarê dezgehanê elewîyan û êzidîyan zî amade bîyî.

Çalakîkeran rexneyê giranî hukmatê almanî rê kerdî ke vera nîjadperestî û teda tebdîrê hewcedarî nêgirewtî. Rayraşîyayîş de sloganê ''Destûr mede faşîzmê almanî'', ''Biciwîyo Serek Apo'', ''Ma PKK û şarê kurdî reyde ne'' ameyî vatene.

Rayraşîyayîş û nawnayîşî 3 saetan dewam kerd. Peynî de seba rayraşîyayîşê pîlî yê antî-faşîstî û vera nîjadperestîye vengdayîşê tewrbîyayîşî ame kerdene. Heman saete de warê Brandenburger Torî de bi beşdarîya endamanê partîyanê ke koma înan Parlamentoya Almanya de estê nawnayîşêk ame kerdene. Bi hezaran kesî tewrê nê nawnayîşî bîyî.