Merkezê Îrtîbatî û Çapemenîye yê HPGyî nasnameyê 3 gerîlayan eşkera kerdî. HPGyî vat: ‘’

‘’18ê hezîrana 2023yî de Zap de hêrişê dişmenî de embazê ma yê Apogîrî Mazlum Malkoç, Dijwar Ararat û Baz Çatak şehîd bîyî. Embazanê ma her warî de Têgêrayîşê Azadîye temsîl kerd. Embazê ma Şoreşger, Dijwar û Baz ê ke tewrê karwanê bêmergan bîyê, ma verê vîrameyîşê înan de bi rêz û minetî sereyê xo anê war.

Ma sere de keyeyanê embazanê xo yê şehîdan rê pêro şarê Kurdîstanî yê welatperwerî rê serweşîye wazenê. Ma soz danê ke ala xoverdayîşî ya şehîdanê xo ser bivisnê û vîrameyîşê şehîdanê xo bipawê.

Nasnameyê embazanê ma yê şehîdan wina yê:

Nameyê Qodî: Şoreşger Mazlum Malçok Name û Peyname: Vedat Işik Cayê Bîyayîşî: Şirnex Maye-Pî: Sultane – Îsmet Tarîx û Cayê Şehadetî: 18ê Hezîrana 2023yî / Zap

 

 

 

Nameyê Qodî: Dijwar Ararat Name û Peyname: Ozkan Kaya Cayê Bîyayîşî: Agirî Maye-Pî: Sevîme – Bahattin Tarîx û Cayê Şehadetî: 18ê Hezîrana 2023yî / Zap

 

 

Nameyê Qodî: Baz Çatak Name û Peyname: Abdulhalîm Baran Cayê Bîyayîşî: Wan Maye-Pî: Medîne – Eyup Tarîx û Cayê Şehadetî: 18ê Hezîrana 2023yî / Zap

 

Embazê ma Şoreşger Şirnex de dadîya xo ra beno. Embazê ma 2009 de tewrê xebatan beno, 2011 de zî Hemleya 1ê Hezîrane de tewrê gerîlayan beno. Embazê ma Herêmanê Pawitişî yê Medya de perwerde gêno û beno gerîla. O 2022 de derbazê Zagrosan beno. Embazê ma bi tecrubeyanê serran bi xurtî serkêşîya şerî keno. O bi kesayetê xo yê bimoral, bicoş û perwerî embazanê xo rê beno nimûne.

Embazê ma Dijwar Agirî de dadîya xo ra beno. O hêverî tewrê xebatanê ciwanan beno û hêrişanê DAÎŞî ra dima 2014 de verê xo dano koyan. O Herêmanê Pawitişî yê Medya de perwerde vîneno, vera DAÎŞî şer keno û 2022 de agêreno koyan. Embazê ma Dijwar Zap de pêro erkanê xo bi mesuldarî ano ca, rayîr nêdano îşxalkeran û îradeyê Apogîran mojneno ra. 

 

Embazê ma Baz Wan de dadîya xo ra beno. O 2011 de çalakîyêka komelkîye de destê xo ra birîndar beno, bi hîsê qesasî 2015 de verê xo dano koyan. Embazê ma pêro perwerdeyanê xo bi serkewtişî qedîneno, xeylê waran de şer keno û 2022 de derbazê Zapî beno. Embazê ma Baz tîya de derbanê giranan dano dişmenî ro. O heta nefesê xo yê peyênî goreyê erjanê Apogîran têgêreno û şehîd beno.’’