Nobeta xoverdayîşî ya şarî ya seba Awbendê Tişrînî 100 rojan ra zafêr dewam kerd û ewro bi eşkerayîyêke qedîyaye. Îdareyê Xoserî awbendî ser o eşkerayîyêke daye. Eşkerayîye de fotografê şehîdanê Awbendê Tişrînî ameyî akerdene. 

Hemserekanê Meclîsê Rayberdişî yê Îdareyê Xoserî Evîne Siwêd û Hisên Osmanî eşkerayîye wende.

Eşkerayîye de ame parekerdene ke dewleta tirke û çeteyanê ci bi hêrişanê vera Tişrînî armanc kerdêne ke îradeyê şarî çin bikerê la şaran pîya nê hêrişî bi xoverdayîşê xo şiknayê.

Eşkerayîye wina dewam kena: ‘’8ê çeleyî ra nata şarî hetê QSD û YPJyî de bîyî. Şarê ma bi ruhê seferberî destkewteyê xo pawitişî û tarîxê xoverdayîşî newe ra nuşt.  Ma verê şehîdanê Awbendê Tişrînî de rîyê xo anê war. Ma soz danê ke keda şehîdan do nêra vîrakerdene. 

No xoverdayîş ser kewt, pawitişê erd û destkewteyan kerd. Ma pêro beşdaranê nê xoverdayîşî selam kenê. Awbendê Tişrînî bi sembolê neteweyî, kelaya xoverdayîşê şarî, nimûneya hêzanê şarî.’’