HPGyî bîlançoya menga nîsane eşkera kerd. Artêşa tirke ya îşxalkere vera gerîlayan ke pozîsyonê adirbirnayîşî de yê çeko qedexe zî tede erd û hewayî ra 9790 reyî hêriş kerd. Hêrişanê îşxalî de 4 gerîlayî şehîd bîyî.
Merkezê Îrtîbatî û Çapemenîye yê HPgyî bîlançoya menga nîsane eşkera kerd. Eşkerayîye de nê ameyî parekerdene:
''Gerîlayê Azadîye yê Kurdîstanî ke hêvîya ameyoxî ya şarê ma yê, bi vengdayîşê Rayber Apoyî 1ê adara 2025î ra nata pozîsyonê adirbirnayîşî de yê û seba ke no vengdayîşo tarîxî pratîk de bêro caardene zaf hasas nizdîye prosesî benê. Heme hêzê ma eşkerayîya Fermandarîya Qerargehê Merkezê Pawitişê Şarî ra dima di mengî yo goreyê qerarê adirbirnayîşî têgêrenê. Gerîlayanê Azadîye yê Kurdîstanî hetê xo ra bi sebir û fedakarîya girde çîyo ke kewt milê ci ard ca.
Menganê adar û nîsane de artêşa tirke wextê adirbirnayîşî sey firsetî girewt dest û vera Gerîlayanê Azadîye yê Kurdîstanî bi metodanê bêehleqan konseptê îmhakerdişî domna. Dewleta tirke ya îşxalkere ke rixmo ke heme hêzê xo seferber kerd, nêeşkaye xoverdayîşê gerîlayan bişikno û rojawanê Zapî de derbê girdî werdî, vera mewzî û tunelanê waranê xoverdayîşî hêrişê xo zêdînayî. Gerîlayanê Azadîye yê Kurdîstanî çarçewaya pawitişê meşrûyî de cewab da îşxalkeran û destur nêda ê aver şirê. Îşxalkarê ke nêeşkayî nê xoverdayîşê biheybetî bişiknê reyna şertê şerî binpay kerdî; vera hêzanê ma çekê kîmyewî, teqaberê qedexeyî û bombayê fosforî yê qedexeyî şuxilnayî.
Rixmo ke îşxalkerî bi têknîkê ke eşkeno bajarêkî çîn bikero, hêrişê waranê xoverdayîşî yê gerîlayan kenê, nêeşeknê biresê hedefê xo. Netîceya hêrişanê bi çekanê kîmyewîyan ê artêşa tirke de hemrayê ma Besê û Mîtra hemrayê ma Xebat, Goran û Egîd ê ke rixmo ke birîndar bî heta hela peyêne pêkewtiş de cewabê îşxalkeran da sey qehremanan alaya serkewtişî ya PKK û PAJKî têşaye û semedê şarê ma bîyî çimeyê serebezkerdişî.
Sey Herêmanê Pawitişî yê Medya Vakurê Kurdsîtan de zî Gerîlayanê Azadîye yê Kurdîstanî bi desan operasyonê îşxalkeran betal kerdî. Hêrişanê Vakurê Kurdîstanî de şehîdê ma çîn ê. Gerîlayê Azadîye yê Kurdîstanî ke vatişê Rayber Apoyî yê 'Teknîko tewr gird însan o' esas genê bi îmkananê kêman û şertanê zoran de Kurdîstan de derbê girdî dayî teknîkê şerî yê îşxalkeran ro.
Îşxalkerî pê çekanê qedexeyan hêriş kenê
Menga nîsane de artêşa tirke reyna sûcê şerî kerd û vera hêzanê ma 7 reyî çekê kîmyewî, bombayê fosforî û teqaberê qedexeyî şuxilnayî, pê kepçeyan kerd ke tunelanê ma birijno û 76 reyî pê teyarayanê şerî, 12 reyî pê helîkopteranê hêrişî, 2 reyî pê droneyanê çekdaran û 9693 reyî zî pê çekanê giranan, top obusan hêriş kerd.
17 reyî vera îşxalkeran mudaxale ame kerdene
Çarçewaya xopawitişê meşrûyî de hêzanê ma 17 reyî mudaxaleyê hêrişê îşxalkeran kerd. Netîceya nê mudaxaleyan de îşxalkerêk ame cezakerdene, 5 îşxalkerî birîndar bîyî. Reyna hetê hêzanê ma ra tanqêk, 2 wesayîtê zirxinî, 2 sîstemê kameraya mobese, obusêk, 2 dronî, jamerêk ameyî îmhakerdene; wesayîtêko zirxin, konteynirêk, mewzîyêke ameyî derbkerdene û dronêk ame destsernayene.
4 hemrayê ma menga gulane de şehîd bîyî ke vera îşxalkeran herra bimbareke ya Kurdîstanî bi fedakarîya pîle pawitêne. Ma şehîdanê xo yê bêmergan ê ke vizêr, ewro û sibayê ma yê, reyna bi heskerdiş û hurmetî yad kenê.
Bîlonçaya menga nîsane wina ya:
Hêrişê artêşa tirke
Hêrişê pê teyarayanê şerî:76
Hêrîşê pê helîkopteranê hêrişî: 12
Hêrîşê pê çekanê kîmyewîyan (Fosfor): 3
Hêrîşê pê droneyanê bombabarkerdeyan: 2
Hêrîşê pê teqeberanê qedexeyan: 4
Hêrîşê pê çekanê giranan, top û obusan: 9693
Mudaxaleyê gerîlayan ê vera hêrişan
Mudaxaleyê vera hêrişan:17''
