Serrgêra 88. ya Terteleyê Dêrsimî de Gola Çeto ya merkezê Dêrsimî de merasîmê yadkerdişî ame kerdene.Komeleya Elewîyanê Demokratîkan (DAD), rêxistina DEM Partî ya Dêrsimî, îdarekarê ESPyî û xeylê dezgehê komelê sîvîlî û xeylê kesî tewrê merasîmî bîyî.

Aktîvîte de çeragî ameyî tafînayene, dûayî ameyî kerdene û loqmayî ameyî vilakerdene.Dima ra şar Kuçeyê Hunerî de ame têhet û rayraşîyayîşo bêveng kerd. Aktîvîte de mesajê yewîye û paştdayîşî û pawitişê vîrî ameyî dayene .