Rojnameger Hrant Dînk serrgêra 12. a kiştişê ey de keştîya Penîche Anako de bi merasîmêk ame yadkerdene.

Merasîm de fîlmê anîmasyonî yê bi nameyê ''Tarîtîyêke nêeşkena bida vîrkerdene'' ê Huseyîn Karabeyî ame mojnayene. Aram Kerovpayanî Komeleya Penîche ser o qisey kerd û derheqê karê komele de zanayîşî pare kerdî. Komeleya Peniche Anako seba ke veng bida vîrakerdişan hetê Komîteya Xaça Sûre ya Armenîyan CSCRA ra ameye awankerdene. CSCRA zî serra 1920î de seba ke hetkarîye bida merdimanê ke Qirkerdişê Armenîyan ra xelisîyayî hetê doktoran, avûkatan û kesayetanê bînan ra ameyî awankerdene.