PKKyî kongraya xo ya 12ine  mabênê tarîxanê 5-7ê gulane de Herêmanê Pawitişî yê Medya kerd.Kongre encemnayê xo û qerarê ke girewtî rayrapêroyîye de pare kerdî.

Hêzanê HPG û YJA Starî zî bi hewayêkê hemwextî waranê xo de kombîyayîşî kerdî. Endamê Komîteya Rayberdişî ya PKKyî Murat Karayilanî ke qiseykerdişê akerdişê kongre kerd, vat peynîkerdişê têkoşînê çekdarî peynî nê, destpêkerdişêk o.

Murat Karayilanî vat: ''Rayber Apo 90yan ra nata seba ke meseleya kurdan bi rayîrê sîyasîyî çareser bikero kede dano.1993 de adirbirnayîş îlan kerd la dewleta xorî mudaxale kerd. Turgut Ozal, Eşref Bitlis û heme ekîb nê semedî ra ame tesfîyekerdene. Rayber Apoyî hema o wext waşt ke bedilnayîş bikero.''

Erjnayîşê Karayilanî yê kongre ra qismêk wina yo: ''Devlet Bahçeliyî bi nameyê dewlete veng da. Vat 'Tirkîya binê tehlukeyî de semedê gerêk ma haştîya zereyê welatî bîyarê ca.' Vengdayîşê Rayber Apoyî yê 27ê sibate tarîxî yo. No vengdayîşê averberdişê têkoşînê dewrê neweyî yo. Ez zana zaf embazî bi hewayêkê hîssî nizdî benê. Ma verî zî mesele wina girewtêne dest. La wext şi û Rayber  Apo vatişanê xo de heqdar vejîya. Rayber Apo vîneno ke çîyê ke qewimîyenê sînoran ra vejîyenê teber.  No vengdayîş semedê heme merdimîye muhîm o. Hinî Kurdîstan sînoranê xo ra vejîyeno. Gerek ma prangayanê xo ke têna Kurdîstan de veng vejenê hinî bierzê. Rayber Apo ma ra nê wazeno. Ma feskerdişê PKKyî wina fam bikerê.

Senî ke Rayberîye zî vano eslê xo de rolê PKKyî serranê 1990 de qedîya.  Seba ke qerarê ronayîşê çekan bêro caardene gerek bedilnayîşê qanûnî bibê. Senî ke notî de ame nuştene ke şehîdê erjîyayeyî Sirri Surayya Onderî bi destê xo nuşt û kombîyayîşê tarîxî yê 27ê sibate de wend, gerek heqê huqûqî û sîyasetê demokratîkî bêrê caardene. Eke haştîye zereyî wazenê wa verî dişmenîye biqedînê. Hema zî hêrişî est ê. Rixmê adirbirnayîşî hêriş kenê û çekanê qedexeyan şuxulnenê. Coka gerek gamanê huqûqî û fermî bierzo. Eke bedilnayîşê huqûqî bibê no têgêrayîş çeke nano ro. Nêbo zaf zor o.

Mîyanê  dewleta tirke de hetêk esto ke wazeno şer dewam bikero. Xora ma dî ke aqilo ke vano 'ma înan do bi çeke biqedînê' çare nêbeno. Tecrubeyê ma yê 41 serran est o, ma taktîkê neweyî afirnayî. Ê nêeşeknê vera ma ser bikewê. Nêeşkenê ma tesfîye bikerî. 100 serrî zî şirê ê nêeşenê ma. Ewlatê nê şarî têna bi ruhê fedayî şer nêkenê, xo hetê teknîkî ra zî aver berd. Şarê ma zî cayê ma de yo. Coka ê ke vanê şer ez înan ra reyna vajî. Şima nêeşkenê ma.

Waştişê perûne tewr zaf zî gerîlayê ke têkoşînê çekdarî kenê, waştişê înan o  verên azadîya fîzîkîye ya Rayber Apoyî ya. Paştîya ma Rayber Apoyî ra pêt a. La seba ke ma raşta çekan ronê gerek paştîya ma dewlete ra pêt bo. La nika nizdîbîyayîşê dewleta tirke asayîş nêdano. Ma her çîyê xo raşt vanê û kenê. Her çîya ver gerek bedilnayîşê qanûnî bibê. Seke mi vat bi keda Rayber Apoyî, keda heyetî, têkoşînê têgêrayîşî bingeyê ci biney ame ronayene. Coka ma qeraranê muhîman genê. Ma stratejîya şerê çekdarî qedînenê. La eke dewlete nê qebul mekero, gamê qanûnî yê ke hewce kenê meerzo no pratîk de mumkun nêbeno. No peynîyêk nîyo, destpêkerdişêk o. Semedê azadîya, têgêrayîşê Apoyî, şarê ma û şaranê herême destpêkerdişêk o. Ma giredayeyê Rayber Apo û şehîdanê xo yê. Coka berpirsîyarîya ma giran a.''