Merkezê Komelê Demokratîkî yê Kurdan  ê Helsîngborgî yê Swêdî de roja yewşemeyî kombîyayîşêk ame kerdene. Hemserekê KONGRA-GELî Remzî Kartal hêrişê dewleta tirke yê vera Rojawanî, çalakîyê boykotkerdişê dewleta tirke, xîretê KNKyî û roşnvîr û hunermendê kurdan ê seba yewîya neteweyîyr ercnayî.

Kartalî îfade kerd ke îşxalê dewleta tirke yê vera Rojawanî konseptekê hêrişî yê vera partîyêke yan zî parçeyêkê Kurdîstanî nîyo û vat:‘‘ Dewleta tirke wazena destkewteyanê kurdan çin bika. Hunermend, roşnvîr û partîyê sîyasî yê ke pê nê konseptê dewleta tirke hesîyayî seba yewîya neteweyîye têgêrenî û KNKyî zî na çarçewe de dest pê karî kerd. Seba partîyanê kurdan wezîfeyêko mecburî yo ke xîretê xo seba yewîya neteweyîye xurt bikê. Kurdî hêdî kewtî rojdemê dinya û mesela kurdan hînî meselêka mîyanneteweyîye ya. Nê prosesî de ganî têkoşînê azadîya kurdan pêro Kurdîstan de bêro xurtkerdene. Seba ke têkoşîn çar parçeyan de hîna zaf bêro xurtkerdene ganî yewîya kurdan bêra awankerdene."

Kartalî seba yewîya neteweyîye venga rêxistin, roşnvîr, partî û hunermendan da ke seba caardişê yewîya neteweyîye têbigêrê û bi vengêkê hemparî hîna zêde rayaumûmîya dinya ser o tesîr bikerê.