Ciwanan rayberîya TÊKO-JIN û TCŞyî de seba azadîya Rayberê Şarê Kurdî Abdullah Ocalanî şaristanê Kasselî yê Almanya de qasê 8 kîlometreyan çalakîya rayraşîyayîşî kerde.

Rayraşîyayîşî pê deqayêkê rêzgirewtişî dest pêkerd. Çalakîya rayraşîyayîşî de peymana PDK-Iraqî ya serê Şingalî, tecrîdê Îmraliyî, tedaya vera HDPyî, îşxalê Tirkîya yê vera Rojawanî û hêrişê vera Heftanînî zî ameyî protestokerdene.

Rayraşîyayîş de pankartê bi nuşteyê 'Bimiro îxanet', 'Tecrîd biqedînê', 'Biciwîyo xoverdayîşê zîndanan' ameyî akerdene.

Marşê TÊKO-JIN û TCŞyî zî reya verêne na çalakîye de ame goştarîkerdene. Ciwanan vera qedexeyê Almanya ala û fotografê Rayberê Şarê Kurdî akerdî.

Rayraşîyayîşî pê nawnayîşêk qedîya.