Dîwanê Hemserekîya KCDK-E derheqê rayraşîyayîşanê dergan ê vera Komployê Mîyanneteweyî yê serê Rayberê Şarê Kurdî Abdullah Ocalanî de ewro eşkerayîyêke daye.

Eşkerayîya KCDK-E wina ya:

''Seba ke komployo mîyanneteweyî yê vera Rayberê Şarê Kurdî Abdullah Ocalanî  bêro protestokerdene Frankfurt de ciwanan rayraşîyayîşo derg serûber kerd û rîxmê provakasyonan zî no rayraşîyayîş dewam keno. Rayraşîyayîşê ke 3 welatanê cîyayan de dest pêkerd Cenevre û Luxembourg de bi hawayêkê bêmeseleyî dewam kenê la Frankfurt de çalakîkerî rastê provakasyonê polîsan ameyî. Almanya de tay cayan de bi dîyalogan û koordînasyonî rayraşîyayîşî ameyî kerdene tay cayan de zî vera rayraşîyayîşan caardişê keyfîyî û qedexeyî û têgêrayîşê bêdîyalogî ameyî kerdene.

Gelo nê tewirî de tesîrê dewleta tirke estê? Yan zî nê tewirî tewirê tay karmendan ê? Ma nêwazenê bawer bikerê ke no tewir birêka merkezî yo. Rîxmê nê kerdişan zî tewirê demokratîkî yê ciwanan zaf girîng ê û mojnenê ke ciwanî bi berpirsîyarîye têgêrenê.  Ma sey KCDK-E tewirê antîdemokratîkî yê polîsan ê Manheimî şermezar kenê. Ma venga meqaman û polîsanê almanan danê ke çarçewa azadîya fikran de ke qanûnê bingeyênî yê Almanya de madeya 4. de ca gêna seba ke rayraşîyayîşî bi hawayêkê haştîyane û demokratîkî biqedê berpirsîyarîya xo bîyarê ca. Ma paştî danê çalakîya ciwanan a bicoşe û qerardare û îfade kenê ke ma hetê înan de yê.''