KCDK-E bi eşkerayîyêke peymana PDK-Bexdadî ya serê Şingalî viste vîrî û ard ziwan ke ganî pêro parçeyê Kurdîstanî vera na peymane tewir bigêrê.

Eşkerayîye de ame vatene ke bi xoverdayîşê qerardarî her çend hukmatê Iraqî apey game eşte zî PDK hema zî peymane ser o isrardar o. Eşkerayîye de ame parekerdene ke na peymane nêna qebulkerdene  û ganî îrade û îdareyê Şingalî bişinasîyê.

KCDK-E vat: ''Ma venga şarê xo û dostanê xo danê ke 5ê kanûne de Ewropa, Kanada, Avusturalya û pêro cayanê dinya de tewrê çalakîya 'Her ca Şingal o, her ca xoverdayîş o' bibê û vera îşxal û qirkerdişî wayîrê Şinaglî vejîyê.''