Dîwanê Hemserekîya KCDK-E eşkerayîyêka nuştekîye daye û vat: "Teyarayanê şerî yê dewleta tirke yê qirkeran vizêr serê sibayî dewa Dîgurî ya bajarekê Sinûnî ya Şengalî ser o bombayî varnayî. Dewleta tirke ya ke her ca de Kurdîstan kena hedef verê cû zî Şengal kerdbi hedefê xo û sivîlî qir kerdbi.

Dewleta tirke ya faşîst a ke wazena qirkerdişanê ke cerganê DAÎŞî kerdêne temam bikera wazena şarê ma ya êzidîyî qir bikera.Ma nê qirkerdişê dewleta tirkî yê vera Şengalî şermezar kenê.

Ma sey KCDK-E venga pêro şarê xo danê ke bi ruhê yewîya neteweyîye wurzo payan ser û wayîrê şarê Şengalî bivejîyo. Ma do sey KCDK-E û NAV-Yekî roja 18ê çeleyê 2020î de seba şermezarkerdişê Qirkerdişê Şengalî yo ke hetê dewleta tirke ra ame kerdene û seba wayîrvejîyayîşê Şengalî her ca de çalakîye û rayraşîyayîşan bikerê. Ma venga şarê xo danê ke tewrê nê çalakîyan bibo."