KCDK-E’yî bi talîmatê Wezîrîya  Karê Zerîyî yê Almanya  qedexekerdişê Weşanxaneyê Mezopotamya û Mîr Muzîkî û  hêrişê polîsanê Almanî yê vera  çalakwanan ê ke bajarê Mannheîmî yê Almanya ra verbi Strasboûrgî ray ra şinê, şermezar kerd û sere de Kurdanê  Almanya hemê Şarê Kurdî  ke Ewropa de yo nînan ra waşt ke vera hhêrşan wirzê lingan ser.

Eşkerayîya KCDK-E’yî de ca cîya nînan: ‘‘Ewro saetanê sibayî de polîsan eşt Weşanxaneyê Mezopotamya û Mîr Muzîkî ser û bado zî hukmatê Almanya nê her di sazîyê Kurdan qefilnayî. Bado zî cemê şanî  polîsanê Almanî hêrişê rayraşîyayîşê ciwanan o ke hîrê rojî yo bajarê Mannheîmî yê Almanya ra ver bi Starsoûrgî şinê, kerd. Ablûkayê polîsan dewam keno û xeylî destbendkerdeyî estî.

 Dewleta Almanî polîtîkaya sey Tirkîya dana  domnayene. Dewleta Almanî hemverê waştişanê demokratîkî yê şarê Kurdî de sey dewleta Tirkî hêriş kena. Ma sey KCDK-E’yî hukmatê Almanî ra wazenê nê ke nê tewirê xo ca verdo. Ma veng danê heme Kurdan ê ke Almanya û Ewropa de yê wa vera nê caardişanê faşîstan ê dewleta Almanî vejîyê kuçeyan.