Dîwanê Hemserekîya KCDK-E bi eşkerayîyêke venga pêro kurdîstanijan û dostanê înan da ke 27ê teşrîna peyêne de vera qedexeyê serê PKKyî Berlin de tewrê çalakîya rayraşîyayîşî bibê.

KCDK-E eşkerayîya xo de wina vat:

''Vera qedexeyê serê PKKyî yê Almanya û vera polîtîkayanê krîmînalîzkerdişê kurdan 27ê teşrîna peyêne de bi serkêşîya dezgehanê almanan de Berlin de do çalakîya rayraşîyayîş bêra kerdene. Welatanê bînan ê Ewropa de zî bi heman armancî çalakîyî do bêrê kerdene.

Ma sere de şarê kurdî venga pêro zerrîwazanê azadîye û têdûştîye danê ke tewrê rayraşîyayîşî bibê.''