Almanya 26ê teşrîna peyêne ya 1993î de aktîvîteyê PKKyî qedexe kerdbî. Serrgêra qedexeyî ra verî dezgeh û sazgehê kurdan û ê çepgîran ê Almanya do xeylêk bernameyan bikerê. Semedê nê armancî keyepelê bi nameyê 'verbot-aufheben.com' (qedexeyî wedarnê) serrêke ra nata ximet kerdêne.

Hesabanê keyepelî yê medyaya dîjîtale zî semedê wedarnayîşê qedexeyê vera PKKyî vilakerdişî kerdêne. La yewinanê asayîşî yê Almanya 26ê teşrîna peyêne ra verî morê xo da binê birêka skandale. Keyepel û hesabê ci yê medyaya dîjîtale ameyî qedexekerdene û blokekerdene.

Înîsîyatîfê 'Qedexeyî Wedarnê' vera kerdişî tewirêko xurt mojna. Înîsîyatîfî da zanayene ke qedexeyê vera PKKyî kurdan û têkoşînê azadîya kurdan krîmînalîze keno û vat: ''Dewleta almane reyna mojna ke her kes verê qanûnan de seyci nîyo.''

Pê vengdayîşê bi desan dezgeh û rêxistinan 27ê teşrîna peyêne ya 2021î de paytextê Almanya Berlin de semedê serrgêra qedexeyê vera PKKyî rayraşîyayîşêk do bêro kerdene. Temamîya menge de zî çalakîyê tewir bi tewirî xo bêrê kerdene.