Sîstemê tecrîd, îşkence û qirkerdişî yê Îmraliyî şaristananê Kiel û Marsilya de bi çalakîyanê cîyayan ame protestokerdene.

Şaristanê Kielî yê Almanya de serkêşîya Meclîsê Komelê Demokratîkî yê Kurdan de seba ke bêvengîya CPT û dezgehanê Ewropa ya serê tecrîdî bêra şermezarkerdene çalakîya bêvengîye ameye kerdene. Çalakîye de pankarta ''Abdullah Ocalanî rê Azadîye, Meseleya Kurdan rê Çareserîye'' ameye akerdene.

Şaristanê Marsilya yê Fransa de Merkezê Komelê Demokratîkî yê Kurdan çalakîya protestoyî kerde. Çalakîye de ame waştene ke wa cade keye û avûkatî bieşkê şorê Îmraliyî.