Nobeta Azadîye her hewte şaristanê Strasbourgî yê Fransa de pê komêka cîya yena kerdene û emser serra 9. ya çalakîya nobete ya. Nobeta Azadîye 25ê hezîrana 2012î ra nata seba azadîya Rayberê Şarê Kurdî Abdullah Ocalanî yena kerdene.

Çalakîye verê Mehkemeya Heqanê Merdiman a Ewropa, Konseya Ewropa, Parlamentoya Ewropa û Komîteya Vergirewtişê  Îşkenceyî ya Konseya Ewropa (CPT) de yena kerdene. 

Hewteyê 455. de koma Rennesî çalakîya nobete dewr girewte. Kome de kurdîstanijî Eyleme Balta, Behçet Bînîcî û Şêxmûs Bînîcî ca gênê.

Nameyê kome ser o Eyleme Balta qisey kerd û pare kerd ke faşîzmê AKP-MHPyî tecrîdê vera Rayberê Şarê Kurdî Abdullah Ocalanî xo rê kerd metodêk û vat: ''Şexsê Rayber Apoyî de kurdî yenê tecrîdkerdene. Pa tecrîdî Kurdîstan de şer, asîmîlasyon û îşxalî dewam kenê. Şiknayîşê nê tecrîdî do kurdan azad bikero. ''

Eyleme peynîya qiseyanê xo de wina vat: ''Ez hewteyê 455. de pê ruhê Sara, Arîne û Ronahîyan Roja Cinîyan a Dinya  ya pêro cinîyan ê têkoşeran fîraz kena. Ez grevê vêşanîye yê zîndanan selam kena.''