11-16ê êlule de bi şîarê 'Seba azadîya Rayber Apoyî bêrê cengê azadîye' do şaristanê Essenî yê Almanya ra heta Aachenî Rayraşîyayîşo Derg bêro kerdene. KON-MEDî bi eşkerayîyêke venga pêro ciwanan da ke tewrê Rayraşîyayîşê Dergî bibê.

KON-MEDî vist vîrî ke Rayberê Şarê Kurdî Abdullah Ocalan 24 serrî yo vera sîstemê tecrîd û îşkenceyî yê Îmraliyî xo ver dano û no tecrîd şexsê ey de vera şarê kurdî yeno kerdene. KON-MEDî vat: ''Vera nê tecrîdî vejîyayîş û xoverdayîşê vera ci xebata tewr esase ya azadî û demokrasî ya. Hînî no tecrîd yew hetî ra zî nêno qebulkerdene. Hînî no sîstem wa bêro çinkerdene. Proseso ke wedaritişê tecrîdî û caardişê azadîya Rayber Apoyî ra yeno pê, hînî sebebê ma yê ciwîyayîşî yo ke nêno apeyeştene.

Kurdî heta ke azadîya Rayber Apoyî bîyarê ca çarçewa Hemleya Wextê Azadîye de xoverdayîşê xo rê do dewam bikerê. Na çarçewe de serkêşîya Têgêrayîşê Ciwanan ê Kurdîstanijan ê Ewropa de mabênê 11-16ê êlule de Rayraşîyayîşo Derg do bêro kerdene. Armancê ciwanan no yo ke azadîya Rayber Apoyî bîyarê ca û seba ney ferasetêkî awan bikerê. Ma sey KON-MEDî sere de pêro meclîsanê ma yê federasyonê FED-MED NRWyî venga pêro şarê ma danê ke bi ruhê seferberîye wayîrê nê rayraşîyayîşî bibo.''