Kurdîstanijan Strasbourg de veng da Konseya Ewropa: ''Manîfestoya Haştîye û Komelê Demokratîkî ya Rayber Apoyî goştarî bikerê, sîstemê Îmraliyî birijnê. Şertanê Rayber Apoyî bibedilnê ke wa bieşko azad têbigêro.''
Bi vengdayîşê KCDK-E û TJK-E bajarê Strasbourgî yê Fransa de çalakîyêke ameye kerdene. Kurdîstanijê ke verê Konseya Ewropa de ameyî têhet veng da dezgehanê Ewropa ke wa wezîfeyê xo bîyarê ca.
Qiseykerdişan de ame vatene ke vengdayîşo tarîxî yê Rayber Apoyî têna semedê kurdan nîyo, semedê Rojhelatê Mîyanênî û heme şaran rayîrê çareserî ramojneno. Çalakîye de ame vatene ke Semedê haştîya bianore gerek Rayber Apo bibo azad.
