Şaristanê Aarauyî yê Swîsre de rayberîya Meclîsê Cinîyan ê Rojbîne de kurdîstanijan çarçewa Hemleya 'Wext wextê azadîye yo' de çalakîyêke kerde û azadîya Rayberê Şarê Kurdî Abdullah Ocalanî waşte.

Çalakîye de aktîvîsta kurde Asîmî Engîn para kerd ke Komployê 15ê Sibate pê tecrîd dewam keno. Hemserekê Merkezê Komelê Demokratîkî yê Kurdan ê Swîsre (CDK-S) Alî Şîmşekî zî grevê vêşanîye yê tepişteyan vist vîrî û waşt ke talebê tepişteyan bêrê caardene.

Çalakîye de serkewtişê Garê zî ame fîrazkerdene.