Bajarê Lefkoşa yê Qibrisî de hêrişê îşxalî yê dewleta tirke û hemkarîya PDKyî bi çalakîyêke ameyî protestokerdene.

Grûbêka kurdan verê bînaya PIG TVyî de ameye têhet û hêrişê îşxalî protesto kerdî. Çalakwananê ke posterê Raybarê Şarê Kurdî Abdullah Ocalanî û beyraqê PKKyî kiriştî sloganê sey "Bimre xiyanet", "Bijî berxwedana gerilla", û “Bijî Serok Apo” eştî.

Çalakîye de bi nameyê Meclîsê Şarê Kurdî yê Qibrisî vilaweke ameye wendene. Çalakîye de hêrişê îşxalî, xayînîya PDKyî, bêvengîya Ewropa ameyî protestokerdene û veng dîya çapamenîya Qibrisî ke wa vera hêrişî vengê xo vejo. Reyna partîyanê sîyasîyan, çepgîr û pawitoxanê demokrasîyî ra zî ame waştene ke wa rolê xo kay bikerê.

Badê wendişê vilaweke vervatoxanê dîplomasî yê Meclîsê Şarê Kurdî selahîyetdaranê TVyî reyde pêvînayîş kerd û derheqê hêrişê îşxalî û şuxulnayîşê çekanê kîmyewîyan de dosyayî teqdîmê înan kerdî.