Çarçewa Hemleya 'Abdullah Ocalanî rê Azadîye, Meseleya Kurdan rê Çareserîye' de Lozan de aktîvîteya wendişî ameye kerdene û Bellinzona de zî panelêk ame serûberkerdene.

Şaristanê Lozanî yê Swîsre de wendekaranê zanîngehî serkêşîya Kolektîfê Ciwananê Enternasyonalîstan de kitabanê Rayberê Şarê Kurdî Abdullah Ocalanî ra pasajî ameyî wendene. Aktîvîte de sînevîzyon zî ame mojnayene.

Şaristanê Bellinzona yê Kantonê Ticinoyî yê Swîsre de Merkezê Komelê Demokratîkî yê Ticinoyî de panelêk ame kerdene. Serekê Komîteya 'Abdullah Ocalanî yê Azadîye' ya Swîsre Dr. Beppe Savary-Borioliyî, Serekê Kulturî yê Punto Rosso yê Îtalya Roberti Mapelli, Endamê Merkezê Komelê Demokratîkî Ahmet Yaman tewrê panelî bîyî.

Dr. Savaryî ard ziwan ke azadîya Ocalanî teyna seba kurdan ney seba pêro herême zaf girîng a. Roberto Mapelliyî îfade kerd ke fikrê Abdullah Ocalanî seba Ewropa çimeyê faydekerî yê. Yamanî venga pêro kesan da ke hemle ser bivisnê.