Rayberîya Komeleya Kulturî ya Mezopotamya de roja yewşemeyî şewêke ameye serûberkerdene. Şewe bi deqayêkê rêzgirewtişî dest pêkerd.

Sîyasetmedare Nîmete Sevîm şewe de qisey kerd û şehîdê azadîye yad kerdî û selam da xoverdayîşê Rojawanî.

Sevîme pare kerd ke serkewtişê Kobanê ra dima têkoşînê demokrasîyî û azadîye yê Kurdîstanî Rojhelatê Mîyanênî de û dinya de vila bîyî û vat dewleta tirke estbîyayîşê xo înkar û çinkerdişê kurdan ser o dewam kena.

Sevîme vat: ''Ma pê bawer ê ke ma eşkenê cuyêka azade û demokratîke awan bikerê."

Hunermend Hozan Comert, Rûmet û Rojînda Efrîn şewe de vejîyayî sehne ser. Beşdaran zî govend girewt. Ame parekerdene ke ameyîşê şewe Rojawanî rê do bêro erşawitene.