Federasyonê Elewîyan ê Demokratîkan (FEDA) derheqê vatişanê Wezîrê Perwerdeyî Zîya Sulçukî  de eşkerayîyêke daye.

FEDA vist vîrî ke Sulçukî vato wendekarê ke dersê xo nêweçînayî herinda înan de îdareyê dibistanan dersan biweçînê.

FEDA vera mesele nêrazîbîyayîşê xo mojna û ard ziwan ke no tewirê wezaretî rayîrêkê înkar û asîmîlasyonî yo û bi nê hawayî dersê dînî pê zorî dîyeno weçînayene.

FEDA pare kerd ke AKP-MHP her serre 20 mîlyon elewîyan rê dersê dînî ferz keno.

FEDA pare kerd ke polîtîkayanê AKP-MHPyî ra îdarekarê dibistananê Tirkîya verî ke wendekar û keyeyan agahdar bikerê dersê dînî înan rê ferz kenê. FEDA îfade kerd ke ganî kurd, tirk, çepnî, tirkmen û erebî vera nê kerdişan tewirêkê hemparî bimojnê û vat: ''Ma vera dersê dînî yê mecbûrî bibê yew.''