Konferansê Kurdan o ke Parlamentoya Ewropa de yeno viraştene de ewro temsîlkaranê Vakur û Rojhelatê Sûrîye qisey kerd. Maya Hevrîne Xelef Suade Mustafa vat mi şima rê sahaya xoverdayîşî ra silamî ardî  û waşt ke cinîyî vera Erdoganî vengê xo berz bikerê.

Mustafa  şorişê Rojawanî sey şorişê cinîyan name kerd û vat: ‘‘Erdogan nê şorişî hedef gêno. Cinîyan ser ra danê merdimîye ro. Hevrîne bîye vengê dinya, vengê merdimîye û sembola azadîye. Seba azadîye cinîyan erjêk a. Dişmen merdimîye nas nêkeno. Bi mîlyonan Hevrîne estê. Vera Erdoganê faşîstî serewedartişê cinîyan do dewam bikero. Ez veng dana cinîyan ê dinya ke wa destê xo bîdê yewbînan û Erdogan û paşgêranê ci rê vajê ma Hevrînê Xelef ê, ma Qilê Miştenurî de Arîne Mîrkan ê û vera şima xo ver danê.‘‘

Hemsereka Meslîcê Sûrîyeya Demokratîke Majdoleene Hasan zî bale ante ke ke cinîyan merkezê şorişê Rojawanî de ca girewt û Yewîya  Ewropa ra waşt ke paştî bidê înan ke problemanê xo yê sîyasîyan çareser bikerê.

Almanya ra temsîlkara Kongra Starî Hatîce Barakat zî vist vîrî ke cinîyan Rojawan de her çî bi destê aferna, Erdogan înan sey tehdîtî vîneno coka hêriş keno û vat ê se kenê wa bikerê nêeşkenê îradeyê cinîyan ê kurdan bişikinê.