Melboûrn de komplo ameye protestokerdene

Bajarê Awustralya Melboûrn de Komploya Mîyanneteweyîye ya 15’ê Sibate ameye protestokerdene û xoverdayîşê Leyla Guvene ame silamkerdene.

Çalakî hetê Merkezê Komelê Kurdîstanî yê Demokratîkî ra ameye organîzekerdene û ame waştene ke wa tecrîd bêro wedaritene.

Çalakîye de xoverdayîşê hemsereka KCD‘yî Leyla Guvene yê roja 101’î yo ke vera tecrîdê serê Rayberê Şarê Kurdî Abdullah Ocalanî ameyo destpêkerdene ame silamkerdene. Çalakîye de bi sînevîzyonî fotograf û vîdeoyê Guvene ameyî musnayene û beyanatê KCK‘yî zî ame wendene.

Hetê bînî ra, peynîya her hewteyî de do merkezê bajarî de stand bêro ronayene û derheqê çalakîye de zanayîşî bêrê dayene.