Namzetê Serekkomarîye yo kan Mêlenchonî, Komîsyonê Karanê Teberî yê Meclîsê Neteweyî de qisey kerd. Mêlanchonî bale ante serrgêra hêrişanê îşxalkerdişê Efrînî ser û va, seba ke paştdarîyê bidê Kurdan, di parlamenterê Partîya çati ya France Insoummise, roja Dişemeyî şîyî Rojawan.

REJÎMÊ TIRKAN REJÎMÊKO DÎKTATOR O

Serekê Çepgirî pey cû qisa arde rewşa Tirkîya ser û va: “ Ez embazanê xo yê karî ra vana, ganî ma rast name bikîme, rejîmê Tirkan, rejîmêko dîktator o.“

Mêlenchonî vat ke  HDP tena bi PKKyî nêna îfadekerdene. HDP hetanê cîya-cîyayan xo mîyan de temsîl kena û va: ‘‘PKK sey rêxistinê terorî yeno îfadekerdene û bi no qeyde Kurdan rê muameleyo xirab yeno kerdene‘‘

PKK ÎTÎFAQÊ MA YO

Mêlenchonî wina dewam kerd: “Dewleta Tirkî xêrca zulûmî Kurdan rê çîyêk nêkena û polîtîkayanê zulûmî domnena. Çi baş o ke Kurdî eşkenê xo bipawê. Bi desan serran o ke xo şeveknenê û pawenê. PKK îtîfaqê ma yo. Çunke çêkanê xo vera DAIŞî şuxulneno. Rêxistinê terorî nîyo, rêxistinê şerwanan o.“

HUKMATÊ TIRKÎ SEBA MA ZAF XETERNAK O

Mêlenchonî derheqê hêrişê ke Efrînî rê ameyê kerdene de zî wina va:“ Hukmatê Tirkîya seba ma zaf xeternak o. Ez wazena şima bîyarê xo vîr ke Tirkîya şîrigê NATOyî ya. Rast a zî rejîmêko xeternak o.“

Mêlenchonî peynîye qiseykerdişê xo de bale ante derheqê PKKyî de hema poltîkayê kore sey “Pêroyê Kurdî PKKyî yê, PKK zî merg heq keno.‘‘  yena domnayene û vat ke ganî no mantiq bêro terkkerdene.