Xelata Surgun û Xoverdayîşî ya Edebîyatî ke nameyê şaîr Thedor Kramerî ser o dîyena, emser ameye dayene nuştoxe û şaîra kurde Merale Şîmşek.

Merasîm 9ê êlule de rojbîyayîşê Theodor Kramerî de, şaristanê Niedelhollatbrunnî de ame kerdene. Kurdîstanijî zî tewrê merasîmî bîyî.

Merale Şîmşek merasîm de wexto ke xelata xo girewte qisey kerd û vat: ''Ez na xelate nameyê pêro cinîyanê Kurdîstanî qebul kena. Ez nika nuşteyanê xo ra yena muhakemekerdene. Seba ke ez kurd a yena muhakemekerdene. Hînî ez Berlin de surgunkerde ya, Kurdîstan welatê mi bi seserran o binê îşxalî de yo. Kurdî zulm û qirkerdişî de têrî yenê. Ma hetê îşxalkeranê xo ra yenê tecawuzkerdene, qetlkerdene û welatê xo ra yenê dûrîvistene. Ma zî wazenê sey neteweyanê bînan bi ziwan û kulturê xo biciwîyê. Kurdî nêwazenê qir binê. Ez na xelate dîyarîya pêro cinîyan ê kurdan kena ke binê kolonyalîzmê tirkan, farsan û ereban de ameyê qetilkerdene, tecawuzkeerdene, zîndanan de xo ver danê, koyan de şer kenê.''