Înîsîyatîfê Abdullah Ocalanî rê Azadîye 25ê hezîrana 2012î de seba azadîya Rayberê Şarê Kurdî Abdullah Ocalanî 'Nobeta Azadîye' dabî destpêkerdene.

Hewteyê 629ine de keyeyê Oltanan şaristanê Darmstadî ra ame û nobete dewr girewte. Kome de Murşîde Oltan, mêrdeyê ci Selîm Oltan û kênaya înan a 8 serre Sara cagênê.

Murşîde Oltanî pêro beşdaranê Nobeta Azadîye rê sipas kerd û vist vîrî ke sey keyeyî ê her serre beşdarê Nobeta Azadîye benê. Murşîde vat: ''Dewleta îşxalkere bi Komployê Mîyanneteweyîyî 25 serrî yo têkilîya ma ya bi Rayberîye asteng kena. La Rayberîya ma bi fîzîkî nêba zî bi ruhê xo hetê ma de ya. Rayberîye rayîrê azadîye mojna cinîyan ê kurdan. Ma tecrîdê girankerdeyî yê vera Rayberîye qebul nêkenê. Dewleta tirke ya faşîste hîrê serrî yo bi pêro metodanê gemarinan wazena îradeyê kurdan bişikna. Îradeyê şarê kudî Rayberîye û gerîlayî yê. Ma venga şarê Başûrî danê ke vera îxanet û îşxalî wurzo we.

Gerîlayê Azadîye domanê çar parçeyanê Kurdîstanî yê. Wexto ke vera Rojawanî hêriş est bîyê gerîlayî uca de bîyî. Wexto ke hêrişê Başûrî amebi kerdene gerîlayan verê xo da uca. Ez venga şarê kurdî dana ke wayîrê Rayber Apoyî, gerîlayanê xo û embazanê ma yê tepişteyan vejîyo.''