Napoli de rayraşîyayîşê vera îşxalî

Şaristanê Napoli yê Îtalya de bi vengdayîşê 61 dezgehan roja şemeyî bi sloganê 'Non Pasaran' vera îşxalê Rojawanî rayraşîyayîşêkê şermezarkerdişî ame kerdene.

Destpêkê îşxalê dewleta tirke yê vera Rojawanî ra heta nika  şaristanê Îtalya çalakîyê şermezarkerdişî kenê.

Roja şemeyî şarsitanê Napoli de bi vengdayîşê bi desan rêxistinan rayraşîyayîşê ame kerdene. Şaristanê Cosenza, Potenza, Sicilya û Bari ra zî zaf kesî tewrê rayraşîyayîşî bîyî. Rete Kurdistan, UIKI Onlus û Merkezê Kulturê Kurdan ê Araratî, Rete Cinîye, Jineolojîyê Îtalya, Non Una Di Meno, Friday For The Future seba rayraşîyayîşî veng dabi. Rayraşîyayîşî Piazza Garibaldi de dest pêkerd.

Akademîsyena Zanîngehê Calabria Laura Corradî qisey kerd û vat: "Ocalan rayberêko ke her çi ra verî azadîya cinîyan musnaye şarê xo." Keşîş Alex Zanotellîyî vat: "Nêbeno ke ma vera îşxalê Rojawanî bêveng bimanê."

Rayraşîyayîş de venga hukmatê îtalya ame dayene ke bazirganîya xo ya bi Tirkîya biqedno û çekan nêroşo dewleta tirke. Rayraşîyayîş de komêka cinîyan bi performansê La Tesîsî sloganê ''Cinîye, Cuye, Azadîye'' vat.

Dima ke rayraşîyayîş verê bînaya walîtîye de qedîya kurdan ra heyetêkî walî reyde pêvînayîşêk kerd. Şaredarê Napoli Luigi De Magistrisî zî seba paştdayîşî heyetêkê temsîlkaranê UIKI û têgêrayîşê cinîyanê kurdan qebul kerd. Şaredarî vat: "Ma têkoşînê şarê kurdan û tecrubeyê xoîdarekerdişî ra zaf çîyî musayî. Napoli û ez bi xo ma do dewam bikê ke paştî bidê şarê kurdî."