Hemserekê Merkezê Komelê Demokratîkî yê Kurdan ê Swêdî Ridvan Altunî lîderê Partîya Çepgîre ya Swêdî Nooshi Dadgostar reyde kombîyayîşêko online kerd. Pêvînayîş de Parlamenter û Vervatoxê Polîtîkayanê Teberî yê Partîya Çepgîre Haan Senneling û Endama Heyetê Rayberdişî yê Forumê Mîyanneteweyî Yekbûne Alp zî amade bîyî.

Lîderê neweyî yê Partîya Çepgîre ya Swêdî Nooshi Dadgostarî Alpe û Altunî ra derheqê komeleyanê kurdan ê Swêdî de agahî waşte.

Altunî vat rêxistinê kurdan 1980an ra nata Swêd de aktîf ê, komeleyan sîstemê hemserekîye û têdûştîya cinî-camêrdan esta. Altunî eşkera kerd ke serranê peyênan de Polîsê Asayîşê Swêdî (SAPO) vera rêxistin û komeleyanê înan tedaya zêdînenê û muracatê bextwaştişî yê kurdan yenê redkerdene.

Alpe zî vist vîrî ke PKK Swêd de mîyanê lîsteya terorî de ya û Tirkîya de îdarekarê HDPyî pê zûrê 'terorîzmî' tepişîyenê.

Dadgosterî zî îfade kerd ke ê do paştdayîşê xo yê seba kurdan dewam bikerê. Svenneligî zî bale ante tedayanê vera HDPyî ser û vat ganî Swêd û Yewîya Ewropa vera Tirkîya tewirê xo bimojnê