Tevgera Jinên Azad (TJA) verê hêrişê cinsî yê çawişê pîsporî yê Şirnexî Nisêbînê Mêrdînî rayraşîyayîşêk organîze kerd.

Rayraşîyayîş de pankartê ''Çeteyê tecawuzkarî do hesab bidê'' ame kiriştene û sloganê sey "Jin jiyan azadî", "Bijî berxwedana jinan", "Bijî berxwedana zindanan" û " Çeteyê tecawuzkarî do hesab bidê" ameyî vatene.

Badê rayraşîyayîşî eşkerayîye hetê aktîvîsta TJA Nahide Ulgeri ra ameye wendene. Ulgere bale ante polîtîkayanê şerê taybetî yê vera cinîyan û domanan ser û vat çawişo tecawuzkar yeno pawitene. Ulgere tewirê şarî yê vera hêrişî vist vîrî û vat: '' Polîtîkayê şerê taybetî hetê têgêrayîşê ma yê cinîyan û  şarê ma ra ameyî betalkerdene. Ma sey têgêrayîşê azadîye yê cinîyan ê kurdan çayê dinya de beno wa bibo ma tim vera hêrişê serê cinîyan vejîyenê û xo pawenê. Ma veng danê şarê xo ke sere de cinîyî wa erjanê xo yê bingeyînan bipawê.''

Hemsereka Pêroyî ya DBPyî Çigdeme Kiliçgun Uçar zî ard ziwan ke şîdetê serê cinîyan çend şino dewam keno û vat: ''Wextê AKPyî de 7 hezar cinîyî ameyî qetilkerdene. Cinîyî tewr zaf keye de û hetê camêrdanê ke tira nêzdîye ra  şîdet vînenî. Ma do sey cinîyan vera şîdetî têkoşînê xo xurtêr bikerê.''

Eşkerayîye bi slogana "Jin jiyan azadî" qedîyaye.