Nobeta Azadîye ke Strasbourg de vernîya Konseya Ewropa de yena viraştene no hewtê hetê endamanê Federasyonê Elewîyan ê Demokratîk ( FEDA) û Têgêrayîşê Cinîyan ê Elewîyan ra dewr ameye girewtene.

Roja Yewşeme ra Gunul Tayçîmene, Dûran Sonzamanci û Jînda Denîze nobete de ca genî. Çalakwanî rixmê serd û vewre her roje saetanê sibayî ra heta şanî çalakîye de azadîya Ocalanî wazenê. Çalakwanî derheqê felsefeya Ocalanî û tecrîdî de zanayîş danê.

Bi nameyê grûbe  Gunul Tayçîmena ke eşekerayîye daye, xoverdayîşê grevê vêşanîye silam kerd û vat ke ma sey cinîyê Elewî paştî danê Leyla Guvene û heta peynî no xoverdayîşî rê wayîr vejîyenê.Tayçîmene vist vîrî ke felsefeya Elewîyan de cuye bimbarek a û vat ke do xoverdayîşê grevê vêşanîye ser bikewo.

Endamanê FEDAyî veng da Komîsyonê Ewropa  û Komîteya Vernîgirewtişê Îşkenceyî (CPT) û waşt ke wa cede mîsyonê xo bica bîyarî û semedê wedartişê tecrîdê serê Rayberê Şarê Kurdî çîyêk bikerê.