Nobeta Azadîye ya ke hetê Înîsîyatîfê Rayber Apoyî rê Azadîye ra 25ê hazîrana 2012yî de bajarê Strasbourgî yê Fransa de ameye destpêkerdene hewteyê 670inî de dewam kena. Çalakîye no hewte hetê koma Vîyana ra ameye dewrgirewtene.

Hemserekê Civaka Azad Ahmet Zirek û endamê Meclîsê Şarê Kurdî yê Vîyana Osman Ayaz, Mihemed Kobanê û Mukri Vakar kome de ca genê.

Ahmet Zîrekî ke bi nameyê kome qisey kerd, veng da dezgehanê eleqedaran sey CPT û Mehkemeya Heqanê Merdiman a Ewropa ke wa wezîfeyê xo bîyarî ca. Reyna şarê kurdî ra zî waşt wa dormeyê Rayber Apoyî de bêro têhet û têkoşînê xo xurtêr bikero. Zîrekî bale ante vengdaşê Rayber Apoyî yê peyênî ser û vat: ''Welatanê Ewropa no vengdayîş rind dî. Gerek semedê caardişê vengdayîşê Rayber Apoyî ê zî wezîfeyê xo bîyarî ca.''