Nobeta ke hewteyê vîyarte de hetê koma Lyonî ya Fransa ra ameye kerdene nê hewteyî de zî teslîmê kurdîstanijanê bi nameyê Sultane Yilmaz, Ayşe Demîr, Hasan Kartal û Şîrîne Yilmaz ameye kerdene. Nê çar nobetdarî şaristanê Bordeauxî yê Fransa ra yê.

Çalakîye verê bînayanê Komîteya Vergirewtişê Îşkenceyî (CPT) û Mehkemeya Heqanê Merdiman a Ewropa (DMME) de yena kerdene û çalakîye de derheqê têkoşînê Ocalanî de rayaumûmîye rê zanayîşî yenê dayene.

Nameyê koma nê hewteyî ser o eşkerayîyêke amey weşanayene û ame parekerdene ke menga sibate seba kurdan mengêka sîya ya. Eşkerayîye de wina ame vatene: ''Ganî dinya pêro bizana ke kurdî hînî kurdê verênî nîyê. Ma do sereyê nêarê war û heta Rayberê ma azad bibê xo ver bidê.'' Eşkerayîye de ame vatene ke asayîş û ameyoxê kurdan bi azadîya Ocalanî beno.

Komîteya amadekarîye ya Nobeta 'Seba Ocalanî Azadîye' ra Zulfu Bîngolî eşkerayîyêke daye û vat ke nêbeno ke ê bi hawayê asanî bewnê 15ê Sibate. Bîngolî vat: ''Ganî ma na roje xo vîrî ra mekerê. Ma venga her kesî danê ke 15ê Sibate de Strasbourg de tewrê çalakîya protestoyî ya pîle bibê.''