Çalakîya Nobeta Azadîye ya ke şaristanê Strasbourgî yê Fransa de 25ê hezîrana 2012î de dîyabî destpêkerdene hewteyê 669inî de dewam kena. Hewteyê 669inî de Koma Bordeauxî Nobeta Azadîye ya Strasbourgî dewr girewte.

Kome de kurdîstanijî Serdar Serhed, Apo Karakoçan û Berkay Sari cagênê.

Nameyê kome ser o Serdar Serhedî qisey kerd û dîyar kerd ke prosesê şerî yê Rojhelatê Mîyanênî de fikr û azadîya Rayber Apoyî hîna zaf lazim ê û vat: ‘’Heta ke Rayber Apo azad nêbo şarê kurdî û şarê bindestî yê Rojhelatê Mîyanênî do azad nêbê.

Ganî şarê kurdî bi taybetî ciwanê kurdî tecrîdî bişiknê û 2025 bikerê serra azadîya Rayber Apoyî. Ganî ma wayîrê fikranê Rayber Apoyî vejîyê. Seba ke ma têkoşînê xo pîlêr bikerê xo ver bidê. 2025 de ganî ma vajê ke cuya bê Rayber Apoyî rê bes o.’’